Onsdag 19. oktober kl 19.00 er DU invitert til ei musikkoppleving i kyrkja !
”Syng meir saman” er oppmodinga, og nettopp det er tanken denne kvelden.
På programmet er både eldre, velkjende salmar, og salmar av nyare dato.
Til alle desse er me heldige å få tonefylgje av vår dyktige kantor på det framifrå
”ny-gamle” orgelet i Kyrkjebø kyrkje. Eit flott instrument og ei oppleving i seg sjølv.
I tillegg til at kyrkjelyden skal syngje er me glade for å få musikalske innslag.
Desse vil Keiko Matsui-Li og Randi Fasmer syte for, både i solo- og duett-spel.
Kanskje får dei òg med seg andre musikarar ? Det vert kveldens overrasking.
I Vadheim har me nokre ivrige songarar i seniorkoret, og dei vil også framføre noko frå sitt repertoir for oss denne kvelden. Dirigenten deira er Audun Digranes.
Set av kvelden og få med deg andre og kom !
Alle er hjarteleg velkomne !
Arr:
Kyrkjebø sokneråd